Grein 1 f

Meginmál

Company Profile

Specialists in location based resource
management solutions TrackWell has a proven track record in providing solutions for mission-critical projects, where results count.   TrackWell’s innovative applications provide you with the tools to manage whatever resources are of value to you: your teams, your property, or your time.   Page2  TrackWell’s resource management solutions allow you to offer better services to your clients, better utilization of your investment, long-term cost savings, and competitive advantage. We use two core fields of technology to deliver these solutions:

 

Skrár tengdar þessari bloggfærslu:

• company profile

Nánar um SPES

SPES er hugsjónafélag sem hefur að kjörorði Sá sem bjargar einu barni bjargar mannkyninu. Af því leiðir að allt stjórnarstarf er unnið í sjálfboðavinnu. Skrifstofu- og umsýslukostnaður er enginn. Beinn kostnaður er svo lítill að hann er innan við eitt prósent.

Þegar stjórnarmenn ferðast til Togo gera þeir það fyrir eigin reikning. Allt fé sem berst rennur því beint til barnanna og til byggingarfram-kvæmda.

Stefna SPES er að koma upp og reka heimili fyrir munaðarlaus börn í þróunarlöndum. Við leggjum áherslu á að það sé heimili en ekki stofnun. Börnin eiga að haga lífi sínu eins eðlilega og kostur er. Því er greitt fyrir leikskólapláss fyrir yngstu börnin og hin eldri ganga í almennan skóla í hverfinu.

Öll börnin eru á framfæri SPES til 18 ára aldurs amk. og vonast er til að þau geti fengið þá menntun sem hugur þeirra og geta stendur til.

Það kostar 77 evrur á mánuði að styrkja eitt barn.

SPES samtökin á Íslandi

Þú getur hjálpað okkur við að gefa fleiri börnum von um framtíð. Allt sem þú gefur rennur beint til umönnunar foreldralausra barna. Ekkert fer í yfirbyggingu, ferðalög eða umsýslukostnað. Allt starf Spes er án endurgjalds. Öll vinna félaganna er sjálfboðastarf. Okkur vantar framlög, styrktarforeldra og nýja félaga.

Tógó er sárafátækt land. Þriðjungur íbúa er undir fátæktarmörkum. Fátækt og eyðni leiða til þess að fjölmörg börn fara foreldralaus á vergang án vonar um framtíð. Spes gefur þeim von. Þú getur hjálpað okkur við að gefa fleiri börnum von um framtíð. Húsin í barnaþorpinu okkar í höfuðborg Tógó, Lóme, eru fallega hönnuð og litrík. Þau eru úr steinsteypu og stórum múrsteinum sem gerðir eru á staðnum. Henry Apeti, arkitektinn okkar, byggir þau á húsahefð frá Norður-Tógó.

Vannærð og veikburða
Öll börnin sem til okkar koma eru mjög illa á sig komin þegar við tökum við þeim. Þau eru vannærð og full af sníkjudýrum í innyflum. Tógóskur barnalæknir kemur á hverjum laugardegi og fylgist með þeim.

Það er gleðiefni hvað þau hafa tekið vel við sér. Sérstaklega er ánægjulegt að sjá framfarir þeirra, og hversu fljótt þau taka við sér og geisla að lokum af heilbrigði og vellíðan. Þetta er áberandi á myndunum af börnunum sem er að finna annars staðar á síðunni. Flestum börnunum okkar gengur vel í skólanum. Mörg eru í fremstu röð jafnaldra sinna. Við erum sérstaklega stolt af Lucie sem var hæst í sínum bekk!

Börnin koma til Spes fyrir tilstuðlan félagsmálayfirvalda. Við óskum einungis eftir því að þau séu undir 3ja ára aldri. Þá er auðveldara að samlaga þau hópnum sem fyrir er. Einnig stefnum við að því að drengir og telpur séu ámóta mörg.

Markmið Spes
Á latínu hefur orðið Spes sömu merkingu og íslenska orðið von. Heiti samtakanna er því lýsandi fyrir það markmið að gefa þurfandi börnum von um betra líf.

Markmið Spes er að safna fé til að byggja þorp fyrir foreldralaus börn í þróunarlöndunum. Þau afla líka styrktarforeldra til að ala önn fyrir börnunum með reglulegum framlögum uns þau hafa náð 18 ára aldri.

Íslenska frumkvæðið
Frumkvæðið að stofnun samtakanna er íslenskt. Njörður P. Njarðvík, sem nú er prófessor emeritus í íslenskum bókmenntum við Háskóla Íslands, var ásamt vinum sínum Tógóanum Victor de Medeiros og Frakkanum Claude Voileau frumkvöðull að stofnun samtakanna.

Vinir þeirra frá Tógó vöktu máls á því hversu ótrúlega mörg börn í þróunarlöndunum byggju við hörmulegar aðstæður. Stríð, náttúruhamfarir, mikil fátæktm, malaría og eyðnifaraldurinn hefur leitt til þess að fjölmörg börn verða foreldralaus og lenda á vergangi.

Þessi hópur, sem teygði sig um mörg lönd, varð sammála um að láta ekki sitja við orðin tóm. Hann afréð að stofna samtök sem hefðu að markmiði að hjálpa foreldralausum börnum.

Samtökin Spes International voru í kjölfarið stofnuð í febrúar 2000. Þau hafa aðsetur í Frakklandi. Spes er skammstöfun fyrir heiti samtakanna á frönsku, Soutien Pour l´Enfance en Souffrance. Sérstakar Spes-deildir hafa síðan verið stofnaðar í fimm löndum, Íslandi, Frakklandi, Belgíu, Tógó og Spáni. Njörður P. Njarðvík er forseti heildarsamtakanna, Spes International (tengill: NPN)

Hversvegna Tógó?
Sterk tengsl frumkvöðlanna við Tógó og brýn þörf fyrir hjálp handa nauðstöddum börnum leiddu til þess að fyrsta barnaþorpinu var valinn staður í Tógó. Fátækt er þar landlæg og þriðjungur íbúanna býr undir fátæktarmörkum.

Frumkvöðlarnir vissu líka að þar voru sterkir einstaklingar sem voru reiðubúnir til að verða bakhjarlar á staðnum. Sérstök T'ógódeild var stofnuð á vegum Spes (tengill: Spes í Tógó).

Í henni eru reyndir og vandaðir einstaklingar með mikla reynslu, m.a. af heilbrigðismálum og viðskiptum. Þeir eru bakhjarlar barnaþorpsins í Lóme og fylgjast náið með rekstri þess.

Nú sér fyrir endann á fjármögnun fyrsta barnaþorpsins í Tógó, og fyrirhugað er að ráðast í byggingu annars þorps um leið og fjárhagur leyfir. Í framtíðinni er áformað að Spes láti víðar til sín taka. Hugmyndir eru um að samtökin beiti sér fyrir barnahjálp í Senegal og Brasilíu.